இயக்குனர் வரிசையில் காதலை அழகாக, உணர்வுப்பூர்வமாக எடுத்து கூறும் ஒரு மாமனிதர் இயக்குனர் மணிரத்னம். அந்தவகையில் இயக்குனர் மணிரத்னம் -கார்த்தி இருவரும் இணையவிருக்கும் புதிய படத்தின் தலைப்பு பர்ஸ்ட் லுக் போஸ்டருடன் இன்று (செவ்வாய்கிழமை) வெளியாகியுள்ளது.
இயக்குனர் மணிரத்னம் தனது அடுத்த படத்தை கார்த்தியை வைத்து இயக்கப் போகிறார்ஃ இப்படத்திற்கான நடிகர், நடிகையர்கள் தேர்வு சமீபகாலமாக நடைபெற்று வந்த நிலையில், தற்போது, இப்படத்திற்கு தலைப்பை உறுதி செய்துள்ளனர். காதல் மற்றும் கேங்ஸ்டர் படமாக உருவாகவிருக்கும் இப்படத்திற்கு ‘குருதி பூக்கள்’ என்று தலைப்பு வைத்துள்ளனர்.
இப்படத்தை மணிரத்னம் இயக்குவதோடு, அவரே தயாரிக்கவும் உள்ளதாக தெரிவிக்கப்படுகின்றது. ஏ.ஆர்.ரகுமான் இசையமைக்க, வைரமுத்து, கார்க்கி இருவரும் இணைந்து பாடல்களை எழுதுகின்றனர்.
மேலும் இந்த படத்திற்கு, பி.சி.ஸ்ரீராம் ஒளிப்பதிவு செய்யவுள்ளதோடு, இப்படத்தின் பர்ஸ்ட் லுக் போஸ்டர் இன்று வெளியாகியுள்ளது. இப்படத்தின் படப்பிடிப்புகள் விரைவில் ஆரம்பமாகவுள்ளதாக தெரிவிப்படுகின்றது.
எனினும், ‘ஓ காதல் கண்மணி’ படத்திற்கு பிறகு மணிரத்னம் இயக்கும் இந்த படத்திற்கு ரசிகர்கள் மத்தியில் பெரிய எதிர்பார்ப்பு இருக்கிறது.
தற்போது வெளியாகியுள்ள இந்த படத்தின் பர்ஸ்ட் லுக் போஸ்டர் ஓரளவுக்கு அந்த எதிர்பார்ப்பை பூர்த்தி செய்துள்ளது என்பதா கூறப்படுகின்றது.
