ஒய்.ஜி. மகேந்திரனின் மகள் மதுவந்தி அருண். இவர் அவரது தந்தை வழியில் நாடகங்களை நடத்தி வருகிறார். இவரே நாடகங்களை இயக்கி நடிக்கிறார். கல்வி நிறுவனம் ஒன்றையும் நடத்தி வருகிறார்.
இதுவரை நாடகத்தில் மட்டும் நடித்து வந்த இவர் இப்போது முதல் முறையாக சினிமாவில் நடிக்கிறார். இவருடைய ‘பெருமாள்’ நாடகத்தை பார்த்த இயக்குனர் சீனுராமசாமி, தனது இயக்கத்தில் விஜய்சேதுபதி நடிக்கும் ‘தர்மதுரை’ படத்தில் மதுவந்தியை நடிக்க வைத்திருக்கிறார்.
இதில் போலீஸ் இன்ஸ்பெக்டர் வேடத்தில் அவர் நடித்திருக்கிறார். அடுத்து ‘மஞ்சப்பை” இயக்குனர் ராகவன் இயக்கும் படத்திலும் முக்கிய வேடத்தில் நடிக்க இருக்கிறார். நல்ல வேடங்கள் அமைந்தால் தொடர்ந்து சினிமாவில் நடிக்க மதுவந்தி முடிவு செய்து இருக்கிறார்.
