பீகார் தலைநகர் பாட்னாவில் இருந்து வந்த சிறியரக ஆம்புலன்ஸ் விமானம் இன்று பிற்பகல் டெல்லி விமான நிலையம் அருகே விழுந்து நொறுங்கியது.
தனியாருக்கு சொந்தமான அந்த ஆம்புலன்ஸ் விமானம் தெற்கு டெல்லியில் உள்ள நஜப்கர் பகுதியில் விழுந்து நொறுங்கியது. இதுதொடர்பான தகவல் கிடைத்ததும் சம்பவ இடத்துக்கு விரைந்துவந்த மீட்புப்படையினர் அந்த விமானத்தில் வந்த விமானி உள்பட ஏழு பேரை படுகாயங்களுடன் காப்பாற்றி அருகாமையில் உள்ள ராவ் துலாராம் ஆஸ்பத்திரியில் அனுமதித்துள்ளனர்.
அவர்களில் ஓரிருவரின் நிலைமை கவலைக்கிடமாக உள்ளதாக கூறப்படும் நிலையில், இந்த விபத்துக்கான காரணம் குறித்து டெல்லி விமான நிலைய அதிகாரிகள் விசாரித்து வருகின்றனர்.
