ரியல் மேட்ரிட் அணியின் கேப்டன் செர்கியோ ரமோஸ் 15வது நிமிடத்தில் முதல் கோலை அடித்ததை அடுத்து ஆட்டம் விறுவிறுப்பு பெற்றது. எனினும் போட்டியின் 79-வது நிமிடத்திலேயே அட்லெட்டிகோ அணியின் யானிக் கர்ராஸ்கோ தனது அணிக்காக ஒரு கோலை அடித்துள்ளார்.
கூடுதல் நேரம் வழங்கப்பட்ட நிலையில் இரு அணிகளும் 1-1 என்ற கோல் கணக்கில் சமநிலையில் இருந்தன. இதனை தொடர்ந்து பெனால்டி ஷூட் அவுட் முறையில் இரு அணிகளுக்கும் கோல் அடிப்பதற்கான வாய்ப்பு வழங்கப்பட்டன. இதில் வெற்றிக்கான கோலை ரியல் அணியின் கிறிஸ்டியானோ ரொனால்டோ அடித்துள்ளார்.
அந்த அணி 5-3 என்ற கோல் கணக்கில் அட்லெட்டிகோவை வெற்றி பெற்று கோப்பையை தட்டி சென்றது. கோல் அடித்து அணியின் வெற்றியை தக்க வைத்ததை அடுத்து தனது சட்டையை கழற்றி ரொனால்டோ மகிழ்ச்சியை வெளிப்படுத்தினார்
