சர்வதேச டெஸ்ட் கிரிக்கெட் வரலாற்றில் 10ஆயிரம் ஓட்டங்களைப்பெற்று முதலிடத்திலுள்ள கிரிக்கெட் ஜாம்பவான் சச்சின் டெண்டுல்கரின் சாதனை இங்கிலாந்து அணித் தலைவர் அலிஸ்டெயர் குக் முறியடித்துள்ளார்.
சர்வதேச டெஸ்ட் கிரிக்கெட் வரலாற்றில் 10ஆயிரம் ஓட்டங்களைப்பெற்று முதலிடத்திலுள்ள கிரிக்கெட் ஜாம்பவான் சச்சின் டெண்டுல்கரின் சாதனை இங்கிலாந்து அணித் தலைவர் அலிஸ்டெயர் குக் முறியடித்துள்ளார்.
இங்கிலாந்திற்கு கிரிக்கெட் சுற்றுப்பயணம் மேற்கொண்டுள்ள இலங்கை கிரிக்கெட் அணி 2 டெஸ்ட் போட்டிகள் கொண்ட தொடரில் பங்கேற்று விளையாடியது.
இதில் 2 ஆவது டெஸ்டின் இரண்டாவது இன்னிங்சில் அலெஸ்டயர் குக் 10,000 ஓட்டங்களைக் கடந்து புதிய சாதனை படைத்தார்.
இந்த சாதனையை 127 டெஸ்டில் பங்கேற்று 31 வயது 5 மாதத்தில், அலெஸ்டயர் குக் புரிந்துள்ளார். மேலும் 10,000 ஓட்டங்களைக் கடந்த முதல் இங்கிலாந்து வீரர் என்ற பெருமையையும் அவர் பெற்றுள்ளார்.
சச்சின் டெண்டுல்கர், தனது 10 ஆயிரம் ஓட்டங்களை 31 ஆவது வயது 10 மாதங்களில் எடுத்து சாதனை படைத்தார்.
கடந்த 2005 ஆம் ஆண்டு பாகிஸ்தானுக்கு எதிராக கொல்கத்தாவில் இடம்பெற்ற டெஸ்டில் இந்த சாதனையை சச்சின் புரிந்தார்.
அதாவது இதுநாள் வரை குறைந்த வயதில் 10000 ஓட்டங்களைக் கடந்த வீரர் என்ற சாதனை சச்சின் டெண்டுல்கருக்கு உரியதாக இருந்தது.
அதனை இங்கிலாந்து அணியின் இடதுகை துடுப்பாட்ட வீரரும் அணித் தலைவருமான அலெஸ்டயர் குக் முறியடித்துள்ளார்.
இருப்பினும் குறைந்த போட்டிகளில் 10000 ஓட்டங்களை கடந்த வீரர் என்ற சாதனை சச்சினுக்கு உரியதாகும். ஏனெனில் சச்சின் 122 போட்டிகளிலேயே 10000 ஓட்டங்களை பெற்றுள்ளமை குறிப்பிடத்தக்கது.
