சியட் நிறுவனம் சார்பில் ஒவ்வொரு ஆண்டும் சிறந்த கிரிக்கெட் வீரர்கள தேர்வு செய்யப்பட்டு விருதுகள் வழங்கப்படுகின்றன. அந்த வகையில், 2015-16ம் ஆண்டுக்கான சியட் விருது வழங்கும் விழா மும்பையில் நடைபெற்றது. இதில், 2015-16ம் ஆண்டின் சிறந்த சர்வதேச கிரிக்கெட் வீரருக்கான விருதினை இங்கிலாந்தின் ஜோ ரூட் வென்றார்.
சிறந்த பந்துவீச்சாளருக்கான விருது ரவிச்சந்திரன் அஸ்வினுக்கு வழங்கப்பட்டது. 20 ஓவர் கிரிக்கெட் போட்டிகளுக்கான சிறந்த வீரர் விருதினை விராட் கோலி வென்றார். இந்தியாவின் சிறந்த வீரருக்கான விருது ரோகித் ஷர்மாவுக்கு வழங்கப்பட்டது.
இந்திய வீரர் அஜிங்கே ரகானேவுக்கு சிறப்பு விருது அளிக்கப்பட்டது. சிறந்த டெஸ்ட் கிரிக்கெட் வீரராக கேன் வில்லியம்சன் தேர்வு செய்யப்பட்டார். சிறந்த ஒருநாள் கிரிக்கெட் வீரராக மார்டின் கப்தில் தேர்வு செய்யப்பட்டார்.
வாழ்நாள் சாதனையாளர் விருது இந்திய அணியின் முன்னாள் கேப்டன் திலிப் வெங்சர்க்காருக்கு வழங்கப்பட்டது.
