காங்கிரஸ் கட்சியின் புதிய தலைவராக ராகுல் காந்தி விரைவில் நியமனம்?
பிரசுரிக்கபட்ட திகதி: 01/06/2016 (புதன்கிழமை)
காங்கிரஸ் கட்சியின் தலைவராக ராகுல் காந்தி விரைவில் நியமனம் செய்யப்பட உள்ளதாக அதிகாரபூர்வமற்ற தகவல்கள் தெரிவிக்கின்றன.
சமீபத்தில் நடந்து முடிந்த 4 மாநில சட்டசபை தேர்தல்களில் காங்கிரஸ் கட்சி சரிவையே சந்தித்தது. இந்நிலையில் ராகுல் காந்தி காங்கிரஸ் கட்சியின் தலைவராக வேண்டும் என்ற கோரிக்கையை காங்கிரஸ் கட்சியில் உள்ள இளம் நிர்வாகிகள் முன்வைக்க தொடங்கி உள்ளனர். ஜெய்ராம் ரமேஷ், சசி தரூர், திக்விஜய் சிங் போன்ற பல்வேறு காங்கிரஸ் கட்சித் தலைவர்கள் ராகுல் காந்தி தலைவராக வரவேண்டும் என்று கோரிக்கைகளை முன்வைத்துள்ளனர்.
அடுத்த ஓரிரு வாரங்களில் நடைபெற உள்ள காங்கிரஸ் கட்சியின் பணிக்குழு கூட்டத்தில் அடுத்த தலைவர் விவகாரம் குறித்து விவாதிக்கப்படும் என்றும் அப்போது ராகுல் காந்தியை தலைவராக்குவது குறித்த அறிவிப்பு வெளியாகலாம் என்றும் தகவல்கள் தெரிவிக்கின்றன.
சோனியா காந்தி கடந்த 1998-ம் ஆண்டு முதல் காங்கிரஸ் கட்சியின் தலைவராக இருந்து வ்ருவது குறிப்பிடத்தக்கது.
