இப்ராகிமின் நெருங்கிய நண்பரான சோட்டா ராஜனை கொல்ல முயற்சி:கூலிப்படையை சேர்ந்த 4 பேர் கைது
பிரசுரிக்கபட்ட திகதி: 10/06/2016 (வெள்ளிக்கிழமை)
திகார் சிறையில் உள்ள நிழல் உலக தாதா சோட்டா ராஜனை கொலை செய்ய முயற்சித்ததாக கூலிப்படையினர் 4 பேரை டெல்லி சிறப்பு போலீஸார் கைது செய்துள்ளனர்.
மும்பை தாக்குதல் வழக்கில் தொடர்புடைய தாவூத் இப்ராகிமின் நெருங்கிய நண்பரான சோட்டா ராஜனை இந்திய போலீசார் தேடிவந்தனர்.
இந்த நிலையில் இந்தோனேஷியாவில் உள்ள பாலி தீவில் இருந்த போது சோட்டா ராஜனை சர்வதேச போலீசார் கைது செய்து சி.பி.ஐ. போலீசாரிடம் ஒப்படைத்தனர். அவர் மீது டெல்லி, மும்பை பகுதிகளில் நடந்த கொலை–கொள்ளை உள்ளிட்ட 70 வழக்குகள் நிலுவையில் உள்ளன. தற்போது அவர் டெல்லி திகார் ஜெயிலில் அடைக்கப்பட்டுள்ளார்.
இந்நிலையில் சோட்டா ராஜனை கொலை செய்ய சதித் திட்டம் தீட்டியதாக ரோஜர் ராபின்சன், ஜூனாயத், மனீஷ், யூனுஸ் ஆகிய 4 பேரை டெல்லி சிறப்பு போலீஸார் கைது செய்துள்ளனர்.
கைது செய்யப்பட்ட 4 பேரும் தாவூத் இப்ரஹிமின் கூட்டாளி சோட்டா ஷகீலுடன் இணைந்து சோட்டா ராஜனை கொலை செய்ய திட்டம் தீட்டியதாக போலீஸ் தரப்பில் கூறப்படுகிறது. கைது செய்யப்பட்ட 4 பேரும் போலீஸ் காவலில் எடுக்கப்பட்டு விசாரிக்கப்பட்டு வருவதாக இதனை சிறப்பு போலீசின் ஆணையர் அர்விந்த் தீப் கூறியுள்ளார்.
