இரட்டை இலை சின்னத்தில் நின்று 50 ஆயிரம் வாக்கு வித்தியாசத்தில் வெற்றி பெறுவேன்
பிரசுரிக்கபட்ட திகதி: 15/03/2017 (புதன்கிழமை)
அமைச்சரும் செங்கோட்டையன், அதிமுக வேட்பாளராக டிடிவி தினகரன் போட்டியிடுவார் என்று அறிவித்தார்.
தொடர்ந்து செய்தியாளர்களிடம் பேசிய டி.டி.வி. தினகரன், ஆட்சி மன்றக் குழுவில் என்னை வேட்பாளராக தேர்ந்தெடுத்த உறுப்பினர்கள் அனைவருக்கும், துணைப்பொதுச்செயலாளர் சசிகலா ஆகியோருக்கு நன்றியை தெரிவித்துக்கொள்கிறேன். ஜெயலலிதா இரண்டு முறை வெற்ற பெற்ற ஆர்.கே. நகரில் போட்டியிடுவது பெருமையாக இருக்கிறது. அந்த தொகுதியில் ஜெயலலிதா என்னென்ன நலத்திட்டங்களை வழங்கி வந்தாரோ, என்னென்ன திட்டங்கள் செயல்படுத்த நினைத்தாரோ அதனை தொடர்ந்து செய்வோம்.
50 ஆயிரம் வாக்குகள் வித்தியாசத்தில் ஆர்.கே.நகரில் வெற்றி பெறுவேன். எங்களை பொறுத்தவரை திமுகவைத்தான் எதிர்க்கட்சியாக நினைக்கிறோம். வேட்புமனுத்தாக்கல் 23ஆம் தேதி செய்யப்படும். இரட்டை இலை சின்னத்தில்தான் போட்டியிடுவோம். அடுத்து வரும் பாராளுமன்றத் தேர்தல், அதனைத் தொடர்ந்து வரும் சட்டமன்றத் தேர்தலிலும் இரட்டை இல்லை சின்னத்தில்தான் போட்டியிடுவோம் என்றார்.
