தமிழ்நாட்டின் ஆளும்கட்சியான அ.இ. அ.தி.மு.கவின் பொதுச் செயலாளராக இருந்த ஜெயலலிதா மரணமடைந்த பிறகு, ஜெயலலிதாவின் தோழியாக இருந்த சசிகலாவின் தலைமையில் ஒரு பிரிவாகவும் முன்னாள் முதலமைச்சர் ஓ. பன்னீர்செல்வம் தலைமையில் மற்றொரு பிரிவாகவும் பிரிந்தது. அதற்குப்பிறகு சசிகலா தலைமையிலான அணியைச் சேர்ந்த எடப்பாடி கே. பழனிச்சாமி தமிழக முதலமைச்சராக பதவி வகித்து வருகிறார்.

இந்த நிலையில் கடந்த சில நாட்களாக அ.தி.மு.கவின் இரு அணிகளும் இணைவது குறித்துப் பேச்சு வார்த்தை நடக்கப்போவதாக செய்திகள் வெளிவந்துகொண்டிருந்தன. திங்கட்கிழமையன்று இரவில் தமிழக அமைச்சர்கள் அனைவரும் இந்த விவகாரம் தொடர்பாக அமைச்சர் தங்கமணியின் இல்லத்தில் ஆலோசனையும் நடத்தினர்.

நேற்றுவரை சின்னம்மா, சின்னம்மா என்று வாய் நிறைய கூப்பிட்ட ஜெயகுமார் இன்று திடீரென ஞானோதயம் வந்து சசிகலா குடும்பத்தினர்களுக்கு இனி அதிமுகவில் இடமில்லை என்று ஆவேசமாக பேசியதை அதிமுகவின் எம்.எல்.ஏக்களும் தொண்டர்களும் ஆச்சரியமாக பார்த்து வருகின்றனர்.

சசிகலா, தினகரனுக்கு இனி அதிமுகவில் இடமில்லை. ஆவேசம் அடைந்த ஜெயகுமார்

சசிகலா குடும்பத்தின் தலையீடு இனி கட்சியில் இருந்தால் கட்சியும் ஆட்சியும் அதோகதிதான் என மத்திய அரசு தம்பித்துரை மூலம் மிரட்டியதாக கூறப்பட்ட நிலையில் தினகரனை கட்சியில் இருந்து ஓரம்கட்ட மூத்த அமைச்சர்கள் முடிவெடுத்துள்ளதாக கூறப்படுகிறது.

தமிழக அமைச்சர்கள் தங்கமணி, ஜெயக்குமார், வேலுமணி, சிவி சண்முகம் உள்பட மூத்த அமைச்சர்கள் இன்று திடீரென கூடி ஆலோசனை நடத்தினர். இந்த ஆலோசனைக்கு பின்னர் தமிழக நிதி அமைச்சர் செய்தியாளர்களை சந்தித்த ஜெயகுமார், 'அதிமுக கட்சி ஒரு குடும்பத்தின் பிடியில் சிக்கி கொண்டிருப்பதாக ஒன்றரை கோடி அதிமுக தொண்டர்கள் எண்ணுவதாகவும், அதனால் இனி மேல் சசிகலா மற்றும் டிடிவி தினகரன் குடும்பத்தின் தலையீடு அதிமுக கட்சியில் இருக்கக்கூடாது என்றும் கூறியிருக்கிறார். ஒரு குடும்பத்தின் பிடியில் இருந்து அதிமுக கட்சி மற்றும் ஆட்சியை காப்பாற்ற வேண்டிய நிலை தற்போது உள்ளது எனவும், அதனால் அதிமுகவினர் அனைவரும் ஒன்று சேர்ந்து இந்த முடிவை எடுத்திருப்பதாகவும் அவர் மேலும் கூறினார்.

சசிகலா குடும்பத்தினரை கட்சி, ஆட்சியிலிருந்து ஒதுக்க முடிவு: அ.தி.மு.க. அமைச்சர்கள் அறிவிப்பு

சசிகலா, தினகரனுக்கு இனி அதிமுகவில் இடமில்லை. ஆவேசம் அடைந்த ஜெயகுமார்