குஜராத்தில் உலவிய ஆளில்லா பாகிஸ்தான் உளவு விமானத்தை இந்திய ராணுவம் சுட்டு வீழ்த்தியுள்ளது.
பாகிஸ்தானின் எல்லைப் பகுதியான குஜராத்தின் கட்ச் பகுதியில் நேற்று இரவு உளவு விமானம் சுற்றித் திரிந்துள்ளது. இதைக் கண்ட இந்திய ராணுவம், அம்பாசா கிராமத்தில் விமானத்தைச் சுட்டு வீழ்த்தியது.
இதைத் தொடர்ந்து விமானத்தின் பகுதிகள் உடைந்து கீழே சிதறின. ராணுவ அதிகாரிகளும் உள்ளூர் காவல்துறை அதிகாரிகளும் சம்பவ இடத்துக்கு விரைந்தனர். சேதமடைந்த விமான பாகங்களைச் சேகரித்து, அவற்றைப் பரிசோதிக்கும் பணி நடந்து வருகிறது.
